Iranians History on This Day
      имрӯз    дар бораи сайт    дар бораи муаллиф
  рӯз ва моҳи мавриди назарро таъин кунед 
   
(Cyrillic Version)  
    برگرداننده به حروف سیریلیک: دکتر منیژه رحیموا (رحیم زاده) 
 
Баргардон ба хати сирилӣ: доктор Манижа Раҳимзода   


 

 Oct 28 
Тафриқа миёни дарбориёни Эрон
Макзтиюс
Дар соли 310 мелодӣ, дақиқтараш 28 октябр Макзтиюс, императори Рум, ки кишвараш дучори душвориҳои фаровони дохилӣ буд, гузориши маҳрамонаи намояндаи сиёсии доимии Рум дар Тисфун, пойтахти Эронро дар нишасти аъзои сенат ва генералҳои румӣ матраҳ сохт. Намояндаи Рум дар Тисфун дар гузориши худ аз идомаи тафриқа миёни дарбориёни Эрон хабар дода буд ва таъкид карда буд, ки замоне беҳтар аз ин барои ҳамлаи низомӣ ба Эрон ва инҳидоми қудрати он ба даст нахоҳад омад, зеро чанд сол тӯл хоҳад кашид, то шоҳи 17 сола бар авзоъ мусаллат шавад.
    Дар он рӯз ҳеҷ як аз ҳозирон дар ҷаласаи лашкаркашӣ бар Шарқро дар ҳоле ки империяи Рум дар остонаи ҷанги дохилӣ буд, маслиҳат надид. Бо вуҷуди ин, чун Макзтиюс беалоқа ба ҷанги Эрон набуд қарор шуд, ки гузориш ҳамчунон дар дастури кор бошад.
    Тафриқа дар дарбори Эрон пас аз марги Ҳурмузи II оғоз шуда буд. Бархе аз бузургони кишвар бо писари ӯ Озарнерси, ки шӯҳрат ба бадхӯйӣ дошт, ба мухолифат даст зада ва боиси қатли ӯ шуда ва фарзанди дигари Ҳурмузро, ки ҳанӯз ба дунё наёмада буд, шоҳи кишвар номиданд. Бӯҳрони дохилии Эрон дар соли 310 мелодӣ, пас аз 17 сола шудани Шопури II ва канор гузоштани ноибуссалтана рӯ ба поён гузошт ва дар Рум ҳам Константини I ҷанги дохилиро дар соли 312 мелодӣ бурд ва ду империя аз бӯҳрони дохилӣ хориҷ ва сипас ба ҷони ҳам афтоданд ва .…
    
    
    
    
    
Эътирози чиниёни бостон ба исроф ва велхарҷӣ
28 октябри соли 165 мелодӣ, чиниён маросими ёдбуди Вонг Фу, файласуфи ин кишварро ба тазоҳуроте васеъ бар зидди исроф ва низ зиндагонии роҳати сарватмандон табдил карданд. Ин таърих пас аз табдили соли қамарии Чин ба мелодӣ, бар пояи тақвими нав ба даст омадааст. Императори вақти Чин барои ҷудо кардани тазоҳуркунандагон ба неруи низомӣ мутавассил шуд ва хуруҷи афрод аз манозилро ба муддати се рӯз мамнӯъ кард.Ванг Фу дар тӯли умри худ бар зидди беҳудахарҷӣ андарз медод. Ӯ мегуфт, ки манобеъи мавҷуд маҳдуд аст ва имкон намедиҳад, ки ҳама ба зиндагонии роҳат, ки мардум ба он ҳавас доранд, даст ёбанд; бинобар ин чун наметавон барои ҳама зиндагонии роҳат таъмин кард, пас бояд пеши исроф ва зиндагонии пуртаҷаммул ва роҳатро гирифт, то аз душмании мардум бо ҳам ва рақобати ноодилона ва муҷримона барои расидан ба сарват ва таҷаммул пешгирӣ шавад ва ин вазифаи давлат аст. Тибқи назарияи Вонг Фу, ҷомеае дар оромиш хоҳад буд, ки мардум аз лиҳози доштани сарват тафовути зиёд бо ҳам надошта бошанд, ки ҳарчи ин тафовут зиёдтар шавад, бенизомӣ, фасод ва эҳтимоли туғён бештар хоҳад шуд.
    
Ҳадяи муаллиф
Ин сайти мустақил ва озод, ҳадяи ночизи муаллифи он ба ҳамаи эрониён, эронитаборҳо ва порсизабонон аст, ки эшонро аз ҷон азизтар дорад; ва хидмате меҳанӣ ва омӯзишӣ, ки хидмат ба Меҳан, ҳамватанон ва эронитаборҳо як вазифа, рисолат ва қарзе аст, ки бояд шариф ва халалнопазир бошад ва дар роҳи анҷоми вазифаи меҳанӣ ниёз ба ҳимояти моддии эҳдоӣ набояд бошад ва нахоҳад буд. Интихоби мавзӯъ барои нигориш ва пешниҳод дар сайт назари шахсии муаллиф аст.
 



 



 




 
 Contact Author: historian [at] copper.net

 Designed & Developed by: Aftabsoft Co. 2008